Skólabúðasnúður:)

Nemendur í 6-7 bekk koma heim seinnipartinn í dag. Reykjaskóla snúðarnir brögðuðust vel í
gærkvöldi og stóðust væntingar nemenda frá sögusögnum fyrri nemenda sem dvalið hafa í skólabúðunum. Stóra hárgreiðslukeppnin og diskó var í gærkveldi og nemendur skemmtu sér konunglega og væru til í að vera aðra viku að Reykjum. Myndir verða settar inn seinna úr ferðinni.

Uppskrift að Skólabúðarsnúðum:

Kría að verja varp sitt (Mynd E.H)

Íþróttamiðstöðin er lokuð þessa viku og næstu. Nemendur þurfa því ekki að hafa með sér sérstakan fatnað og handklæði í þá tíma í stundatöflu. Þessir tímar verða nýttir í útivist og þurfa nemendur því að vera klæddir eftir veðri. Farið verður í leiki, gönguferðir og fleira skemmtilegt.

Bestu kveðjur

Gunnlaugur og Erna

Morgunhressir nemendur í skólabúðum

Nemendur í 6.-7. bekk fóru í skólabúðir að Reykjum í Hrútafirði á mánudagsmorgun ásamt Sonju umsjónarkennara sínum. Skólastarfið sem þau taka þátt í þessa fyrstu daga verður því mjög óhefðbundnið þar sem þau dvelja saman á heimavist ásamt fleiri nemendum úr öðrum skólum. Nemendur taka þátt í fjölbreyttri stöðvavinnu, vettvangsferðum úti í náttúrinn, halda kvöldvökur og fl. Krakkarnir og Sonja biðja ægilega vel að heilsa og meðfylgjandi þessari frétt fylgir mynd af hópnum síðan í morgun.

Séð úr miðju stofunni (miðstig) yfir í yrstu þar sem elsta stigið á heimastofu

Spenntir nemendur á yngsta stigi

Efsta stig, fjölmennasti hópurinn

« 1 af 3 »

Grunnskólinn á Þingeyri var settur í dag á sal skólans þar sem skólastjóri og kennarar tóku á móti nemendum og foreldrum/forráðamönnum þeirra. Nemendur á skólaárinu 2012-2013 verða 38 talsins. Tveir nýjir nemendur hefja skólagöngu í fyrsta bekk og bjóðum við þau Andreu og Ástvald hjartanlega velkomin í skólann. Nokkrar breytingar verða á skólastarfinu en opnað hefur verið á milli þriggja stofa í "nýju" byggingunni og þar munu allir nemendur skólans eiga "heimastofu". Kennarar munu vinna meira saman við skipulagningu skólastarfsins í teymum og stýra kennslunni í átt til einstaklingsmiðunar (að hver og einn fái verkefni við sitt hæfi). Fimmtudagurinn 23. ágúst verður "Foreldradagur" þar sem nemendur mæta með sínum forráðamönnum og hitta sína umsjónarkennara til að fara yfir áætlanir og markmið. Fyrsti kennsludagur verður föstudaginn 24. ágúst samkvæmt stundaskrá.

Grunnskólinn á Þingeyri verður settur 22. ágúst. Innkaupalista fyrir skólaárið 2012-2013 má nálgst undir Innkaupalistar

hér til hliðar og velja þann bekk sem við á. Einnig er hægt að líta á Skóladagatal 2012-2013 til að kynna sér mikilvægar dagsetningar og gróft skipulag skólaársins.

Góðar stundir

1.-2. bekkur við útskrift

3.-5. bekkur við útskrift

6.bekkur við útskrift

7.bekkur við útskrift

8.bekkur við útskrift

9.bekkur við útskrift

10.bekkur við útskrift

« 1 af 7 »

Nemendur voru útskrifaðir við hátíðlega athöfn í Þingeyrarkirkju föstudaginn 1. júní. Nemendur stóðu sig með miklum sóma og hlaut Patrekur Ísak Steinarsson viðurkenningu fyrir námsárangur í 10. bekk og Ævar Höskuldsson fyrir árangur í dönsku. Eftir útskrift var kaffisala Kvenfélagsins Vonar í félagsheimilinu og sýning listmuna og verka nemenda í skólanum.

Nemendur lentir á Hrafnseyri

Valdimar staðarhaldari kynnir fyrir nemendum nýjustu tækni safnsins

Nemendur á leik í fallegu veðri

« 1 af 3 »

Miðvikudaginn 30. maí var sameiginleg vorgleði Grunnskólans og Leikskólans Laufás. Farið var með rútum til Hrafnseyrar þar sem Valdimar staðarhaldari tók á móti okkur og sagði okkur frá staðnum, höfðingum á Vestfjörðum og svo Jóni forseta. Einnig var hann búinn að útbúa spruningar sem nemendur spreyttu sig á og leituðu svara við á safninu. Veðurblíðan var eins og best var á kosið og nemendur og starfsfólk skólans áttu notalega stund saman úti í sólinni. Burstabærinn var vinsæll hjá nemendum sem og stóra brekkan fyrir ofan hann. Dagurinn endaði niður á víkingasvæði þar sem foreldrafélög beggja skólanna tóku á móti okkur með grilluðum, gómsætum hamborgurum. Á víkingasvæðinu var svo brugðið á leik með fallhlíf og andlitsmálun.

Nemendur í gróðursetningu

Dýrleif, Ásrós, Jóhanna, Gréta og Kristján "Alveg með'ida"

Vandað til verka og allir með hlutverk

« 1 af 3 »

Dagurinn byrjaði á því að nemendur og starfsmenn skólans horfðu á stuttmyndina "Skógurinn og við" sem fjallar um hversu mikilvægt það er fyrir jörðina og lífverur hennar að hafa tré og skóga. Því næst var haldið til gróðursetningar í skólareitinn og settar voru niður um 120 birkiplöntur. Einnig unnu nemendur að fegrun umhverfis skólans og týndu rusl, hreinsuðu beð og runna, sópuðu og rökuðu. Veðrið var eins og best var á kosið og sennilegt að einhverjir þurfi að bera á sig "after sun" eftir útiveruna. Dagurinn endaði með pylsu-grill- partýi í sólinni á hreinni skólalóðinni.

Þriðjudagur 29. maí

Grænn dagur                                                            

Nemendur mæta kl. 08:10 til síns umsjónarkennara. Farið verður yfir skipulag dagsins og sýnd stuttmynd ,,Skógurinn og við“. Síðan taka nemendur til hendinni við að gróðursetja í skólareitinn og snyrta umhverfi skólans. Allir vinna að verkefnum úti og verða því að koma klæddireftir veðri. Nemendur hafi með sér fernudrykki og meðlæti í morgunnesti sem snætt verður úti. Í hádegi verður öllum boðið upp á grillaðar pylsur og safa. Foreldrar eru hvattir til að koma og taka þátt. Grillað verður

kl. 12:00. Skólabíll fer klukkan.12.30.   

Miðvikudagur 30. maí – ferð að Hrafnseyri                                                                        

Þessi dagur er skipulagður af Leik- og Grunnskólanum og foreldrafélögum beggja skólanna. Nemendur Grunnskólans mæti kl. 08:10 að morgni til síns umsjónarkennara og að því loknu verður haldið að Hrafnseyri í rútum. Þar tekur staðarhaldari á móti hópnum og kynnir okkur staðinn og sögu hans. Nemendum koma klæddir eftir veðri og hafa með sér fernudrykki og meðlæti. Í hádegi grillum við ásamt Leikskólanum á Víkingasvæðinu frá kl. 11:30 og förum í leiki. Foreldrum er velkomið að vera með okkur þegar grillað verður. Skólabíll fer heim með nemendur kl.12:30 frá Víkingasvæðinu.   

Fimmtudagur 31. maí  – starfsdagur kennara – frídagur hjá nemendum.

Föstudagur 1. júní - skólaslit í Þingeyrarkirkju kl. 14.00 – sýning á munum nemenda                                                                                                       

Skólaslit fara fram í Þingeyrarkirkju  kl.14:00 -15:00. Eftir skólaslit verður Kvenfélagið með sína margrómuðu kaffisölu í
Félagsheimilinu til kl. 18:00. Jafnframt verður sýning á verkefnum og munum sem nemendur sem hafa unnið í verk- og listgreinum í vetur. Sýningin verður opin milli kl. 15:00 og 17:00. Óskað eftir því að nemendur komi og taki sína muni milli kl. 17:00 – 18:00. Athugið að ekki er gert ráð fyrir að munir verði fjarlægðir af sýningu fyrr en henni lýkur kl. 17:00.                                                             

Starfsfólk Grunnskólans á Þingeyri þakkar foreldrum og nemendum samstarfið á skólaárinu og óskar ykkur öllum ánægjulegs sumars. 

Nemendur í 3.-4. bekk sýna tónlistaratriði með eigin hljóðfærasmíð "Á sal"

Nemendur í 1.-2. bekk sýna flytja vorsöngatriði með eigin hljóðfærasmíð "Á sal"

« 1 af 2 »

Í vetur hafa nemendur í öllum hópum hist "á sal" síðasta tíman á föstudögum einu sinni í mánuði. Markmið samverunnar er að allir í skólasamfélaginu eigi reglulega ánægjulega samverustund í skólanum. Nemendur fá einnig tækifæri til að flytja þar fjölbreytt efni fyrir hvort annað. Ýmisleg viðfangsefni hafa verið teikin fyrir "á sal" s.s. teflt, spilað félagsvist, bingó, jólabíó, fengið til okkar gesti og margt fleira. Síðast liðinn föstudag var nýja heimasíðan opnuð formlega og nemendur í 1.-2. bekk og 3.-5. bekk spiluðu á hljóðfæri sem þau hafa verið að búa til í tónmenntatímum og sungu með af mikilli gleði og innlifun.